講到近排最hit嘅電影，當屬「五一」上映嘅，《九龍城寨之圍城》。

據燈塔專業版嘅數據影片《九龍城寨之圍城》，連續3天票房逆跌，票房有望突破3億元。

拳拳到肉嘅打斗戲，各種刺激、高難度動作，令觀眾睇到心都緊一緊。

最多嘅評論就係：經典港式武打片返嚟啦~

林峯、劉俊謙、胡子彤、張文杰，化身「城寨四少」為正義而戰

戲內嘅「四少」有型有格、兄弟情深，不約而同喺街巷相遇，戴住面具暴打「廢男」，為無辜女子攞翻公道。

痛打大奸角王九時，就算損手爛腳都搏盡全力。隨著《風的形狀》響起帶住觀眾從暴風雨中，回歸城寨的平淡日子。

飾演大奸角嘅伍允龍，喺大老闆洪金寶嘅頭馬，一心只想取代佢成為城寨霸主。

佢仲要練埋硬氣功，擁有無敵金剛身，刀槍不入幾乎癲狂喔。

劇中佢打得出神入化，現實中功夫底厚，相當打得嘎。

因為佢自細就熱愛武術，7歲跟住爸爸習武。師從黃淳梁、學習詠春，得到香港詠春體育會認可，年紀輕輕就已經擔任武術指導。

成為動作演員嘅佢，參演過《鐵拳英雄》，《 惡戰》等劇集，有演技又可以親身上陣打觀眾自然睇得好過癮。

近日佢跟住劇組謝票，同觀眾互動嘅時候，毫無準備之下遭觀眾「襲擊」

當日佢揾現場觀眾互動，示范「寸勁」武功招式，出招時男子被震到退后。

點知對方似乎不甘心，回頭握伍允龍嘅手，趁佢掛住講嘢唔為意時，突然出盡全力用膊頭肘擊，令伍允龍一時失去重心，成個人跌咗落地。

此舉動令全場觀眾嘩然，當場怒斥男子冇品，兼擔心伍允龍是否受傷，好彩大家都冇受傷，只係受了一場驚嚇，為咗安全起見，劇組之后都取消咗互動環節。

事后伍允龍都發咗視訊，第一時間感謝大家關心。

仲幫對方解釋：「（佢）只係睇得太入戲，把自己當成王九。」高情商嘅回應，獲一眾網友贊佢有風度。

Anyway~睇戲還睇戲，希望觀眾同演員互動，都要注意分寸、保持理智，唔好太過入戲啦。